حاققیمیزدا
دیلکچه وطنداشین سسی‌دیر. هر وطنداش ایسته‌دییی هر هانسی بیر قونودا دیلکچه یازا بیلر. «دیلکچه» سیته‌سی‌نین قورولوشوندان آز زامان کئچمه‌سینه باخمایاراق، عادی اینسانلارین سسی اولماسینی باجارمیشدیر. ایران توپلومونون هر یئریندن بیر سیرالاری قاباغا گلرک؛ محبوسلاین آزادلیغی، قانونلارین ده‌ییشیلمه‌سی، قادینلارین ایدمان استادیوملارینا گیرمه حاققی، اینتئرنئتین کسیلمه‌سی و ایران‌لا دونیانین باشا-باشیندا بیر چوخ مسئله‌لر اوزرینده دایانیشمیشلار. ایندییه‌جن بو سیته‌ده ۷۰۰ دیلکچه و ۲۸۰ میندن آرتیق امضا قئید اولونوبدور.
بیر دیلکچه یازماق اوچون هر هانسی بیر اؤزل ایختیصاصا و یا گوجلو یازیچی اولماغا گرک یوخدور. بیر قونو بئینیزی مشغول ائدیرسه، بیر آیری سئچکیلیک و یا عدالتسیزلییه شاهید اولورسونوزسا، یؤندمسیز و دوزنسیز بیر دورومدا کسین بیر ده‌ییشیک‌لیک ایسته‌ییرسینیزسه؛ قونونو بیر نئچه جومله‌ده آچیقلاماقلا، دیلکچه یازا بیلرسینیز. عادی اینسانلار دا بو دیلکچه‌نی اوخویوب، ایمضالاری ایله سیزی دستکله‌میش اولارلار.
چوخلو، دیلکچه الیمیزه چاتدیغی کیمی یایینلانار. عئینی زاماندا، دیلکچه ائکیپی متنین ائدیتی، اونون آیدینلیغینی، هابئله فوتوقراف و گؤرسل عونصورلارین حاضیرلانماسینا یاردیمچی اولماق اوچون هر زامان سیزینله ایش بیرلیییه حاضیردیر. دیلکچه‌نیز یایینلاندیقدان سونرا، دیلکچه ائکیپی تلگرام، توییتر و اینستاگرام کیمی سوسیال مئدیا واسطه‌سی ایله سیزین دیلکچه‌نی تانیتدیریب و اینسانلاری اونو دستک اولماسینا تشویق ائدر. تلگرام ایستیفاده‌‌چی‌لری بیر باشا تلگرام کانالیندان بیر دیلکچه‌نی امضالایا بیلرلر.
دیلکچه باغیمسیزدیر
دیلکچه‌نین ایده‌سی «تریبون زمانه»ده فورمالاشیب. تریبون زمانه، «زمانه مئدیا فوندو» طرفیندن تشکیل ائدیلن وطنداش مئدیا فورمودور. دیلکچه سیته‌سی زمانه‌نین تشببوثودور، آنجاق ایچرییی تمامی ایله باغیمسیزدیر و دایانیشما ایسته‌ین ایران وطنداشی طرفیندن یازیلیر. دیلکچه هامیلارا، دئمک دایانیشماق اوچون بیر پلاتفورم آختاران هر کسه عایددیر.«تریبون زمانه»ده یایینلانان چاغریلارین چوخلوغو، توپلو مکتوبلار و دایانیشما ایچریکلی ماتئریاللار؛ بیلدیری و دیلکچه یازماغی آسانلاشدیریب، بونلارین حیاتا کئچمه‌سینه یاردیمچی اولاجاق اؤزل بیر سئرویس یولا سالما موتیواسیونونو یاراتدی. بو آرادا بیز همی ایرانلی‌لارین آراسیندا عریضه یازما تجروبه‌سینه، همی ده Change.org کیمی سیته‌لره دیققت یئتیرمیشیک.
«دیلکچه» وطنداشلارین عدالت طلب‌لرینی بوتون اجتماعی ساحه‌لرده یانسیداجاق طرفسیز بیر دوشرگه‌دیر. «دیلکچه» سیته‌سی هئچ بیر سیاسی، ایدئولوژیک و اخلاقی باخیشی رئکلام ائتمیر. «دیلکچه» پلاتفورمو، ایرانین تورپاق بوتونلویونو قوروماغا قرارلی‌دیر و بونا گؤره ده، بو ایلکه‌نی پوزان دیلکچه‌لرین یایینلانماسی یاساقدیر. هر بیر دیلکچه‌نین یایینلانماسیندا، متنین آیدین و ساده اولماسی اوچون کلمه‌لری، جومله‌لری و دیلی ائدیت ائتمک حوقوقو «دیلکچه» سیته‌سینه عایددیر، آنجاق هر بیر دیلکچه‌نین ادعاسی، ایچرییی و سیاسی-اجتماعی یؤنو تمامی ایله یازیب عیارلایانلارین عؤهده‌سینه‌دیر.
دیلکچه‌نی دستکله‌یین
دیلکچه سیته‌سی یئرینی برکیدرک، باغیمسیز بیر قایناق سیته‌سینه چئوریلیب؛ توپلو بیلدیری‌‌لرله دیلکچه‌لری یایینلایا بیلمه‌سی اوچون سیزین یاردیمینیزا احتیاجی واردیر. اؤنجه‌لیکله لوطفن بو سیته‌نی هرکسه تانیتدیریب و هر هانسی بیر پروبلئم گؤرسه‌نیز و یا تمکیللشدیرمک اوچون تکلیفینیز وارسا بیزیمله پایلاشین.
ایمیل آدرسیمیز:info@daadkhast.org
وئری تهلوکه‌سیزلییی و گیزلی‌لیک
زمانه، اوروپا بیرلییینده (GDPR) قووه‌ده اولان اساس قایدالارا اویغون اولاراق، ایستیفادهچیلرین گیزلیلیینه و شخصی بیلگی‌لرینه چوخ دیققت گؤسترمکده‌دیر. ایستیفادهچیلرین بیزه تقدیم ائتدییی بیلگی‌لر باشقا هئچ بیر شخص و یا قوروما وئریلمه‌یه‌جک‌دیر.
