تورک سیاسی محبوسو عباس لسانینین آزادلیغی اوچون
۳۵۱
ایمضا
آذربایجان میللی حرکتینین آکتیویستی عباس لسانی، ۱۳۹۷-جی ایل دی آینین ۲۵-نده مرحوم حسن دمیرچی (آذربایجانلی آکتیویست)نین دفن مراسیمیندهکی چیخیشی ایله باغلی آچیلان باشقا بیر پرونده اوچون تبریزین انقلاب محکمهسینین ایکینجی شعبهسینه مراجعت ائتمیشدی. اما داها محکمهدن چیخمامیشدان قاباق، تبریز انقلاب محکمهسینین مامورلاری طرفیندن حبس ائدیلدی و اردبیله گوندریلدیکدن سونرا، قانونسوز اؤرگوتیاراتماق کیمی ساختا اتهاملارلا اوزلشدی. او، ساوجی (دادستان) عتباتی طرفیندن چیخاریلان ادعانامه اساسیندا، قاضی خدادادینین باشچیلیق ائتدیگی انقلاب محکمهسینین بیرینجی شعبهسی طرفیندن ۸ ایل تغزیری حبس جزاسینا و ۲ ایل ده اطلاعات ادارهسینین خصوصی نظارتی آلتیندا یزد شهرینده سورگونده یاشاماغا محکوم ائدیلدی. داها سونرا تمییز محکمهسی باشقا بیر قانونسولوغا امضا آتاراق، بیر اونجهکی حؤکمو وئرن دادگستری گئنل مودورو و اردبیل تمییز محکمهسی بیرینجی شعبهسینین رئیسی اولانعتباتینین باشچیلیغی ایله، لسانینین جزاسینی ۱۵ ایل تعزیری حبسه و ۲ ایل یزد شهرینده سورگونده یاشاماغا یوکسلتدی. وکیل سید محمدرضا فقیهینین مکرر طلبلری نتیجهسینده عالی محکمهنین بیرینجی شعبهسی،تمییز محکمهسینین بو حؤکمونو پوزدو و ایلک باشدا وئریلمیش اولان ۸ ایل حبس، ۲ ایل یزد شهرینه سورگون حؤکمونو ابقا ائتدی.
یوکسک محکهنین ایندیکی رئیسی سید احمد مرتضوی مقدمین باشچیلیغیو سید ابوالحسن هاشمی امام زادهنین یاردیمچیلیغی ایله اداره اولونان یوکسک محکمه بیرینجی شعبهسی، اردبیل تمییز محکمهسینین حؤکمونو پوزسا دا، ادعا ائدیلن قانونسوز اؤرگوتون نه اولدوغونو آچیقلاماقدان چکیندی. سادهجه "میللی تهلوکهسیزلیگی پوزماق هدفی ایله قوروپ و جمعیت اولوشدووب اداره ائتمک" اتهامی ایله یئتیندی.
اونو دا وورغولاماق لازیمدیر کی، عباس لسانی اوزون مدت اردبیل زیندانیندا یوکسک تانسیون (فشار)، اورک دؤیونتوسو و دیز و بئل دیسکینده کرونیک آغزیلاردان اذیت چکیردی. نهایت، اوچ نفردن عبارت ساغلیق کومسیونو لسانینین ساغلیق دورومو حاققینداکی جوابینی گؤندرندن سونرا،او ۱۴۰۰-جی ایل، بهمن آیینین ۲۴-نده اوچ ایلدن آرتیق توتوقلو قالادیغی زینداندان 6 آیلیق مرخصییه گؤندریلدی. بو تانینمیش آذربایجانلی آکتیویست ۱۴۰۱-جی ایلی فروردین آیینین 20-نده اوزون-تراپی تداویسینه تابع توتولدو وبو ایلین 5 اردیبهشت تاریخینده دوکتورونون مصلحتی ایله فیزیوتراپی و لئیزرتراپی تداویسی گؤردو. خرداد آیینین 3-نده ایکینجی دفعه خستهخانادا یاتدی و یئنه ده ۱۴۰۱-جی ایلین شهریور آیینین بیرینده تبریزین ولیعصر خستهخاناسیندا اوچونجو دفعه بئل دیسکی عملیاتی اولدو.
نهایت، قاضی عبدالله طباطبایینین قانونلاری چیینهمهسی و اطلاعات ادارهسینینین باسقیسی نتیجهسینده، ۱۴۰۱-جی ایل شهریور آیینین 5-نده، عباس لسانینین مرخصیسینین مرداد آیینین 22-نده اوزدیلماسینا باخمایاراق و دوکتورلارینین بئل دیسکی عملیاتیندان سونرا مطلق استراحت تجویزینه و اردبیلین ساوجیلیق (دادستانی) دفترینه ویریلن سندلره اعتنا ائتمهیهرک، اردبیلین مرکزی زیندانینا گؤندریلدی.
اردبیل زیندانیندا کرونا ویروس سالغینی شرایطینده طبی مرخصیدن محروم ائتمه، بیرینجی درجه قوهوملاری وفات ائتدیکده مرخصی حقوقوندان محرومیت، آیری-آیری واختلاردا عایله ایله گؤروشونه و دانیشماسینا قاداغا قویماق، بو گونه قدر زیندان رسمیلرینین امنیت گوجلرینین گؤستریشی ایله بو تورک سیاسی محبوسا اویغولادیقلاری قیسیتلاییجی تدبیرلردیر.
آیریجا، اونون عایله عضولرینه اقتصادی قیسیتلامالار و قاداغالار، او جملهدن بؤیوک اوغلونون ایش یئرینی مؤهورلهمک، عباس لسانی و عایلهسینه داها چوخ پیسکولوژیک باسقی اویغولاماق اوچون اردبیل تهلوکهسیزلیک گوجلرینین تطبیق ائتدیگی اؤنلملردیر.
عباس لسانی، ایراندا شدتسیز مبارزهنین و مدنی اطاعتسیزلیگین اؤنجوللریندن بیریدیر. او آذربایجانلیلارین طلبکار روحو اولاراق بیلینیر.
بو بؤیوک آذربایجانلی مبارزین فعالیتلری، دیرهنیش روحونو چوخالتماقداکی و حق طلب ائدنلره جسارت وئرمکدهکی تاثیری، اونو ایرانداکی دئموکراسی و برابرلیک دوشمانلاری قارشیسیندا اَن تهلوکهلی بیر فیقور حالینا گتیریبدیر.
شلاق حؤکمونون غیرانسانی اولدوغونا گؤره بو نوع جزایا بویون اهیمهمک، اوزون مدتلی یئمک اعتصابینا باش وورماق و محکمهنی اؤز قانونی طلبلرینه بویون اهیمهیه مجبور ائتمک، ساوونما و قانون لایحهسینی تورکجه تقدیم ائتمک و فارس دیللی قاضی قارشیسیندا تورکجه دانیشاجاغی اوچون و تورکلرین ایراندا آنا دیللریندن فایدالانما حقوقونو وورغولاماق اوچون مترجم طلب ائتمک، کولتورل توپلانتیلارا دعوت و بو نوع توپلاتنی و ییغینجاقلارین تشکیلینه بیرباشا تاثیر گؤسترمک، کوچه گؤستریلرینه رهبرلیک ائدهرک چیخیشلاریندا آذربایجانلیلارین اعتراض و پروتئستو (حرکت اعتراضی) حاقلارینی وورغولاماق، گؤزآلیندا (بازداشت) اونو دیندیرنلرین یازیلی و سوزلو سواللارینا جواب وئرمهمک، محکمه سیستئمینین مستقیللیگینی سورغولاماق، مجلیسین میللی تهلوکهسیزلیک فراکسیونونو اعتبارسیز سایماق، آذربایجاندا بوتون دوشونجه بیچیملرینی رسمیته تانیماق، عؤمرونون سون آنینا قدر مبارزه یولوندا اینام و قطعیت، ایراندا آزادلیق و برابرلیک دوشمانلارینین اونا آغیر حبس و سورگون جزاسی وئرمهلرینه سبب اولوبدور.
بیز بو دیلکچهنین (درخواست) امضالایانلاری اولاراق اؤلکهنین محکمه سیستئمیندن ایستهییریک کی، اطلاعات و امنیت گوجلرینین باسقیسی اولمادان، عباس لسانینین دوسییاسینا (پروندهسینه) یئنیدن باخیلماسینا ایجازه وئرسینلر. عدالتلی محاکمه سورهجینی سرعتلندیرسینلر و لسانینینمحبوس حقوقلاریندان یارارلانماسینا و مرخصییه گئده بیلمهسینه شرایط یاراتسینلار.
بیز اولوسلارآراسی اینسان حاقلاری تشکیلاتلاریندان ایران اسلام جمهوریتینی بو عدالتسیز حؤکملره گؤره جاواب وئرمهیه چاغیرمالارینی و عباس لسانینین آزادلیغی اوچون اللریندن گلنی ائتمهلرینی ایستهییریک.
سون حادیثه‌لر
-
امضالارین یئری
اوستان ایمضالارین ساییسی البرز ایالتی 1 اردبیل ایالتی 5 بوشهر ایالتی 1 چهارمحال و بختیاری ایالتی 0 دوغو آذربایجان ایالتی 12 فارس ایالتی 3 گیلان ایالتی 2 گولوستان ایالتی 0 همدان ایالتی 0 هرمزگان ایالتی 0 ایلام ایالتی 0 اصفهان ایالتی 0 کیرمان ایالتی 0 کیرمانشاه ایالتی 0 خوزیستان ایالتی 1 کهگیلویه و بویر احمد ایالتی 0 کوردیستان ایالتی 0 لوریستان ایالتی 2 مرکزی ایالتی 0 مازندران ایالتی 0 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 1 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 7 باتی آذربایجان ایالتی 4 یزد ایالتی 0 زنگان ایالتی 0 بو دیلیکچه ایندییه‌جن 351 ایمضا توپلاییب‌دیر. 60% ایران‌دان، 40% حدودوندا ایسه خاریجدن گلمیشدیر. ایران خریطه‌سینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
-
-
-
-
امضا با تلگرام
-
-
بو دیلکچه‌نی یازدی
امضا با تلگرام