۷۷یاشلی آذربایجانلی سیاسی محبوس پرویز سیابی آزاد اولونسون
۲۸۵
ایمضا
۵۰۰
آماج
13 آذر 1402
اردبیل مرکزی حبس‌خاناسیندا 6 ایللیک جزاسینی چکن 77 یاشلی آذربایجانلی سیاسی محبوس پرویز سیابی گرجان فیزیکی پروبلئم‌لر و چوخ سایلی خسته‌لیک‌لر، او جومله‌دن خرونیکی پروستات وضعی، یوکسک قان تضیقی، اویناق آغریسی و یاشلیلیق سببیندن حبس چکمه‌یه قادیر دئییل.
اؤتن ایل جناب سیابی آغیر فیزیکی وضعیتی ایله ایلگیلی حبسدن آزاد اولونماسینی ایسته‌میشدی. بو ایسته‌یی تصدیقله‌ین طیبب متخصصی، کاردیولوق و نئورولوق‌لار جناب سیابی‌نین حبس چکه بیلمه‌دییینی تصدیق ائتدیلر. آمما تهلوکه‌سیزلیک قوه‌لری اردبیل ویلایتی‌نین عدلی طیبینی زورلاماقلا، حکیم‌لرین بلگه‌سینی اعتبارسیز ائتمه‌یه چالیشدیلار.
اردبیل ویلایتی‌نین عدلی طیب باش ایداره‌سی‌نین حبس‌خانانین نظارتچی حاکیمینه یازدیغی مکتوب‌دا دئییلیر: «حؤرمتله، جناب پرویز سیابی ایله باغلی 1402/05/16 تاریخلی، 545/1401 سایلی مکتوبونا دؤنرک، مشاوره و تخصصی معاینه‌یه اساسن، یوکسک قان تضیقی، بئیین دامارلارینین توتولماسی، کاروتیدین دارالماسی، ائشیتمه‌نین ضعیفله‌مه‌سی، پروستاتین بؤیومه‌سی ایله ایلگیلی حاضیردا حبس جزاسی آدی چکیلمیشین خسته‌لییینی آغیرلاشدیریب و حبس جزاسینی چکه بیلمز.» تاسوفله، تهلوکه‌سیزلیک قوه‌لری اردبیل ایالتی‌نین عدلی طیبی باش دیرئکتورو خانیم نگار خوشنویسی زورا قویوب، طیبی ایشین گئدیشاتینی و بئش نفردن عبارت عدلی طیبب هئیتی‌نین پرویز سیابی‌نین حبسه دؤزه بیلمه‌دییینی تصدیق ائدن نظرینی ده‌ییشدیرمه‌یه چالیشیر.
جناب سیابی‌نین حبسی چکه بیلمه‌سی مسئله‌سی ایله ایلگی‌له‌نن بئش نفرلیک هئیتین سون قرار قبول ائتمه ایجلاسیندا، او عدلی طیبب باش دیرئکتورونون بو جلسه‌ده ایشتیراکینا اعتراض ائدیب، دئدی: «حکیم‌لر طیبی رای وئرمک‌ده سربست اولمالی و ائتکی‌لنمه‌مه‌لی‌دیرلر، باش دیرئکتور اجراچی ماموردور و طیبی تخصص قرار قبول ائتمه ایجلاسلاریندا اشتراک ائتمک حقوقونا مالیک دئییل».
بو سیاسی محبوسون حبسی چکه بیبلمه‌دییی باره‌ده طیبی بلگه‌نین وئریلمه‌سینه تهلوکه‌سیزلیک قوووه‌لرینین مداخله‌سی ایله یاناشی، حبس‌خانادا دا اونو بیر نئچه دفعه 16-جی بنددن (امنیتی بند)؛ ظرفیتیندن داها چوخ محبوس یئرله‌شن، هابئله عمومی محبوس‌لارین بندی اولان 1 و 13-جو بندلرینه کؤچوروبلر.
پرویز سیابی 1400-جو ایلین آبان آیی‌نین سونلاریندا حاکیم وحید مهدوی‌رادین باشچی‌لیق ائتدییی اردبیل اسلام انقلاب محکمه‌سی‌نین بیرینجی شعبه‌سیندن شیفاهی اولاراق آلدیغی حؤکمله اوست-اوسته 16 ایل حبس جزاسینا محکوم ائدیلدی. داها سونرا اردبیل ایالتی‌نین تجدیدنظر محکمه‌سی‌نین بیرینجی شعبه‌سی اونون جزاسینی 6 ایله ائندیردی. جناب سیابی 1401-جی ایل آبان آیی‌نین 18-ده توتوقلانیب و جزاسینی چکمک اوچون اردبیل مرکزی زیندانی‌نین 16-جی بندینه آپاریلدی.
بیز بو دیلکچه‌نی ایمضالایان‌لار، پرویز سیابی گرجان‌ین حبسی چکه بیلمه‌دییی بلگه‌سی‌نین وئریلمه‌سینی و بو یاشلی محبوسون اردبیل مرکزی حبس‌خاناسیندان آزاد اولونماسی اوچون محکمه طرفیندن قبول ائدیلمه‌سینی ایسته‌ییریک.
سون حادیثه‌لر
-
امضالارین یئری
اوستان ایمضالارین ساییسی البرز ایالتی 5 اردبیل ایالتی 24 بوشهر ایالتی 2 چهارمحال و بختیاری ایالتی 0 دوغو آذربایجان ایالتی 35 فارس ایالتی 1 گیلان ایالتی 0 گولوستان ایالتی 0 همدان ایالتی 0 هرمزگان ایالتی 0 ایلام ایالتی 1 اصفهان ایالتی 3 کیرمان ایالتی 0 کیرمانشاه ایالتی 0 خوزیستان ایالتی 0 کهگیلویه و بویر احمد ایالتی 0 کوردیستان ایالتی 1 لوریستان ایالتی 0 مرکزی ایالتی 0 مازندران ایالتی 0 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 2 سیمنان ایالتی 1 سیستان و بلوچستان ایالتی 0 خوراسان ایالتی 1 تهران ایالتی 19 باتی آذربایجان ایالتی 12 یزد ایالتی 1 زنگان ایالتی 4 This petition has received 285 signatures so far. Approximately 89% of signatures come from Iran. Approximately 11% of signatures come from outside of Iran. Learn how Daadkhast generates signature maps. -
سون ایمضالار
-
-
sign-public
-
چون حکم زندانشان غیر انسانی است
-
sign-public
-
sign-public
-
-
بیر تورک آکتیویست بو دیلکچه‌نی یازدی
sign-public