سالماسین قارا قیشلاق کندینین اهالیسی‌نینایسته‌یی
۲۷۰
ایمضا
۵۰۰
آماج
غربی آذربایجان اوستانی‌نین سلماس شهرینین قارا قیشلاق کندینین اهالیسی، ۱۴۰۲-جی ایلینین دئی آیینین ۱۷-ده، بو کندین اوتلاقلارینین ۴۵۰ هکتاریندا «کیمیا کربنات سدیم» فابریکاسی‌نین قورولماسی‌نین قاباغینی آلماق اوچون ایلک دینج آکسییالارینی کئچیردیلر. آنجاق کندلی‌لرین گله‌جک گونلرده‌کی آکسییالاری، پولیس و امنیت قووه‌لری طرفیندن شیددتله یاتیریلدی. پولیس و امنیت قووه‌لری ساچمه گولله‌‌لر و گؤز یاشاردیجی قازلار آتماقلا اعتراضچی‌لاری داغیتماغا چالیشدیلار. عینی زاماندا مامورلار شیددت اعمال ائدیب و وطنداشلاری باتوم ایله یارالادیلار. هابئله سلماس اطلاعات اداره‌سی‌نین مامورلاری قارا قیشلاق کندینین اهالیسیندن ۷۰ نفری، او جومله‌دن یاشلی قادین و کیشی‌لری توتوقلاییب و اعتراضچی قادینلاری دا تجاوز ائتمه‌یه تهدید ائتدی.
دئمه‌لی بو فابریکانین استحصال ائده‌جه‌یی «کربنات سدیم»، کاوه شوشه صنایع قروپونون فابریکالاریندا استفاده اولوناجاقدیر. «کیمیا کربنات سدیم» فابریکاسی‌نین آدیندان دا بللی اولدوغو کیمی، بو فابریکادا استحصال اولونان دوز، کربنات سدیما چئوریله‌جک‌دیر. بو استحصال یؤندمی ۱۹-جو یوز ایللیین یؤندمی اولوب دا عؤمروندن ۲۰۰ ایل کئچمه‌سی بیر قیراقدا قالسین، همی لاپ اوجوز استحصال یؤندمی، همی ده ان کیرلندیریجی یؤندمدیر. بو آرادا فابریکانین توللانتی سولاری دا لوله ایله اورمو گؤلونه اؤتوروله‌جک‌دیر. بو دا اورمو گؤلونون اؤلومونو یئیینله‌دیب و اونون قوروموش یاتاغینا چوخلو کیرلی‌لیک‌‌لر بوراخاجاقدیر.
بو فابریکانین دوزو دا اورمو گؤلونون قوروموش یاتاغیندان گؤتوروله‌جک‌دیر. آمما اورمو گؤلونوندن دوز گؤتورمه هئچ بیر چئوره‌سل اساسا دایانماماقدادیر و تاثیرلری ده آراشدیریلمامیشدیر. آنجاق بونون نتیجه‌لری آراسیندا «گؤل یاتاغینین داغیدیلماسی، توپوقرافیسی و چؤکونتولرین طبیعی أییمی‌نین آرادان گئتمه‌سی»نی سایماق اولار. بوندان علاوه گؤلون یاتاغیندان دوزون چیخاریلماسی بؤلگه‌نین ایقلیمی‌نین غیری-ثابیتلییینه سبب اولوب و یاتاغینداکی چؤکونتولرین یاپیشیقلیلیغینی پوزور. بئله‌ده گؤل دوز توزاناغی‌نین منشایی اولوب و اورمو گؤلونون اطرافینداکی شهرلرده دوز فیرتینالارینی آرتیراجاقدیر. چونکی دوز استحصالی دوز توزاناغی‌نین هاوادا یاییلماسینا سبب اولار. ایندی بو دوزدا آغیر مئتال و ماده‌لر اولورسا، نیگرانچی‌لیقلار اولدوقجا چوخالیر.
بو فابریکانین بیر نئچه درین قویو قازماقلا یئرآلتی سولارین ایشلتمه‌سی ده قارا قیشلاق کندنین اهالیسینی قورخودور. سلماسین فرماندارینین دئدییینه گؤره، کیمیا کربنات سدیم فابریکاسی‌نین سو احتیاجی زولا چایی ایله سلماس شهرینین کانالیزاسیون آریتما تاسیسیندندیر، آنجاق زولا مؤوسیمی چایدیر و نئچه ایل اؤنجه اوستونده باغلانان بندله داها بو چایین یاتاغیندا سو آخمیر. هابئله زولا بندی سلماس شهرینین ایچمه‌لی سویونون قایناغی‌دیر. بئله‌لیکله قارا قیشلاق کندینین اهالیسی‌نین بو فابریکانین یئرآلتی سولاردان استفاده ائتمه فیکری محتملدیر. بو آرادا سلماس دوزونون تورپاق چؤکمه‌سی‌نین ایللیک اورتالاماسی ۱۰ سانتی‌مئتر اولماقلا، اؤلکه‌ده ایلک یئری اؤزونه اختصاص وئرمیشدیر. ایندی ایسه بو دوزون وضعیتی کریتیک‌دیر. بو اوزدن کیمیا کربنات سدیم فابریکاسی‌نین درین قویولار واسطه‌سی‌له یئرآلتی سولاردان استفاده‌سینی تصور ائتسک، سلماس دوزونده تورپاق چؤکمه‌سی‌نین وضعیتی داها دا کریتیک اولاجاقدیر. بیز بو دیلکچه‌نی امضالایانلار، مسئوللاردان کیمیا کربنات سدیم فابریکاسی‌نین قارا قیشلاق کندینین اوتلاقلاریندا قورولماسینی دایاندیرماقلا؛ بو کندین اهالیسی‌نین دولانیشیقلاری ایله جانلارین قورونماسینی، هابئله چئوره‌لرینین آرادان گئتمه‌مه‌سینی ایسته‌ییریک.
سون حادیثه‌لر
-
امضالارین یئری
اوستان ایمضالارین ساییسی البرز ایالتی 0 اردبیل ایالتی 3 بوشهر ایالتی 0 چهارمحال و بختیاری ایالتی 0 دوغو آذربایجان ایالتی 33 فارس ایالتی 1 گیلان ایالتی 2 گولوستان ایالتی 1 همدان ایالتی 1 هرمزگان ایالتی 0 ایلام ایالتی 0 اصفهان ایالتی 1 کیرمان ایالتی 1 کیرمانشاه ایالتی 0 خوزیستان ایالتی 0 کهگیلویه و بویر احمد ایالتی 0 کوردیستان ایالتی 0 لوریستان ایالتی 0 مرکزی ایالتی 0 مازندران ایالتی 0 قوزئی خوراسان ایالتی 0 قزوین ایالتی 0 قوم ایالتی 1 رضوی خوراسان ایالتی 1 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 16 باتی آذربایجان ایالتی 17 یزد ایالتی 1 زنگان ایالتی 0 بو دیلیکچه ایندییه‌جن 270 ایمضا توپلاییب‌دیر. 91% ایران‌دان، 9% حدودوندا ایسه خاریجدن گلمیشدیر. ایران خریطه‌سینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
-
حمایت انسانی بر علیه نقض حقوق بشر و محیط زیست
-
برای حفظ محیط زیست.
-
قارا قیشلاق‌لی لارین آرخاسینداییق و اولاردان حیمایت ائلیریک
-
جلوگیری از تخریب محیط زیست
-
-
بیر آذربایجان فعالی بو دیلکچه‌نی یازدی
-
آنجا کارخانه تخریب محیط زیست است
رادیو زمانه:
میلاد بالسینی در این یادداشت از دریچه‌ی بین مناسبات مناطق حاشیه‌ای و مرکزی در ایران سوابق آسیب‌ها و آلودگی‌هایی که کارخانه «کاوه سودا»ی مراغه در کارنامه خود دارد را بررسی کرده و به نتایج احداث کارخانه جدید «کیمیا کربنات سدیم» در حوالی روستای قره قشلاقِ سلماس می‌پردازد.
ضرورت حفاظت از محیط زیست، حفظ سلامت و رفاه ساکنان و حفظ تعادل اکولوژیکی منطقه