آذربایجان سیاسی محبوس‌لارینی آزاد ائدین
۱۰۷
ایمضا
۵۰۰
آماج
حاضیردا 19 آذربایجانلی فعال، عدالتسیز حؤکملرله یا ایران حبس‌خانالاریندا ساخلانیلیر، یا دا اوزون موددتلی حبس و دیگر علاوه جزالارلا محکوم اولونوبلار. بو فعاللار اساسن، ایران‌دا یاشایان آذربایجان تورک‌لرینین حقوقلارینی مدافعه ائتمک استقامتینده فعالیت‌لرینه گؤره تهران، رشت، تبریز، اردبیل، شبستر و دیگر شهرلرده تهلوکه‌سیزلیک قوه‌لری طرفیندن ساخلانیلیب و ایران اسلام جمهوریتی محکمه‌لری طرفیندن بیر نئچه آیدان بیر نئچه ایله قدر ده‌ییشن اوزون موددتلی حبس‌لره محکوم ائدیلیب‌لر.
آذربایجانلی فعاللارین اوزون موددتلی حبس جزالارینا محکوم ائدیلمه‌سی، تهلوکه‌سیزلیک قوه‌لری و محکمه سیستمی طرفیندن اینسان حقوقلارینین جیددی شکیلده پوزولماسی ایله یاناشی، هم ده ایران اسلام جمهوریتینده آذربایجان تورکلرینه قارشی سیستماتیک آیری-سئچکی‌لییین گؤستریجیسی‌دیر. بو محبوسلار، اوزون موددتلی حبس حؤکملریندن علاوه، حبس‌خانادا دا حبس‌خانا مسئوللاری طرفیندن تضییق‌لره معروض قالیر و معالجه، مرخصی و دیگر حقوقلاری ایله باغلی جیددی پروبلئملرله اوزله‌شیرلر. چوخ واخت محبوسلار ان کیچیک امکانلاردان استفاده ائتمک اوچون آجلیق آکسییاسی کئچیرمک مجبوریتینده قالیرلار. چوخلو بو فعاللار حبس اولوندوقدان سونرا غیری معین وضعیت‌ده ساخلانیلیر و اوزون موددت سونرا محکمه قارشیسینا چیخاریلیرلار.
بو فعاللارا قارشی ایره‌لی سورولن اتهاملار اساسا «رژیم علیهینه تبلیغات آپارماق»، «اجتماعی قایدانی پوزماق مقصدی‌له توپلاشماق و ایش بیرلییی ائتمک»، «اؤلکه‌نین تهلوکه‌سیزلییینی پوزماق»، «اجتماعی رأیی تشویشه سالماق» و س. عبارت‌دیر. اوزون موددتلی حبس حؤکملری ایله یاناشی، بعضی فعاللار «سیاسی پارتی‌لره، قروپ‌لارا و بیرلیک‌لره عضو اولماق، مجازی فضادا، مدیا و مطبوعات‌دا فعالیت گؤسترمک، اؤلکه‌دن چیخماق قاداغاسی، سورگون» کیمی علاوه جزالارا دا معروض قالیبلار.
فعاللارین آدلاری الفبا سیراسی ایله و اونلارا وئریلن حبس موددت‌لری بئله‌دیر:
1. آرمیتا پاویر
2. آیاز سیف خواه
3. آیدین محمدی
4. باقر حاجی‌زاده
5. پرویز سیابی گرجان
6. حسین پیری
7. سالار طاهر افشار
8. سعید مینایی
9. طاهر نقوی
10. عبدالعزیز عظیمی قدیم
11. علی رضی زاده
12. کمال نوری
13. محمدرضا (آراز) امانی نظرلو
14. محمدرضا خلیلی
15. محمود اوجاقلو
16. مرتضی پروین
17. ودود اسدی
18. یاشار نیکرو
19. یوسف کاری
بیز بو دیلکچه‌نی امضالایانلار، آذربایجان سیاسی محبوس‌لارینین درحال آزاد اولونماسینی ایسته‌ییریک. بو شخص‌لر، آذربایجان تورک‌لرینین حقوقلارینی مدافعه ائتمک اوچون حیاتا کئچیردیک‌لری مدنی و اجتماعی فعالیت‌لره گؤره حاقسیز اولاراق آغیر حؤکملرله و غیر انسانی حبس‌خانا شرایطی ایله اوزله‌شیب‌لر. اونلارا قارشی ایره‌لی سورولن اتهاملار تمامی ایله اساس‌سیزدیر و محکمه‌لر عدالتلی محکمه پرینسیپ‌لرینه عمل ائتمه‌دن کئچیریلیب. بو فعاللارا قارشی آیری سئچکی‌لیک و تضییق‌لر انسان حقوقلارینین و ایران‌ین بین الخالق عؤهده‌لیک‌لرینین پوزولماسی‌دیر.
سون حادیثه‌لر
-
امضالارین یئری
اوستان ایمضالارین ساییسی البرز ایالتی 0 اردبیل ایالتی 2 بوشهر ایالتی 0 چهارمحال و بختیاری ایالتی 0 دوغو آذربایجان ایالتی 4 فارس ایالتی 0 گیلان ایالتی 1 گولوستان ایالتی 0 همدان ایالتی 1 هرمزگان ایالتی 0 ایلام ایالتی 0 اصفهان ایالتی 0 کیرمان ایالتی 0 کیرمانشاه ایالتی 0 خوزیستان ایالتی 0 کهگیلویه و بویر احمد ایالتی 0 کوردیستان ایالتی 0 لوریستان ایالتی 0 مرکزی ایالتی 0 مازندران ایالتی 0 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 0 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 1 باتی آذربایجان ایالتی 1 یزد ایالتی 1 زنگان ایالتی 0 بو دیلیکچه ایندییه‌جن 107 ایمضا توپلاییب‌دیر. 87% ایران‌دان، 13% حدودوندا ایسه خاریجدن گلمیشدیر. ایران خریطه‌سینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
تلگرام واسطه‌سی ایله ایمضالاماق -
تلگرام واسطه‌سی ایله ایمضالاماق
-
تلگرام واسطه‌سی ایله ایمضالاماق
-
تلگرام واسطه‌سی ایله ایمضالاماق
-
تلگرام واسطه‌سی ایله ایمضالاماق
-
-
یک فعال حقوق زندانیان سیاسی بو دیلکچه‌نی یازدی
