کانون
«دادخواست» ئے بُنگَپ پہ سرجمی ءَ کارمرزوکانی دست ءَ نِبِشته بیتگ۔
ئے تَندجاہ ءِ کارمرز کنگ ءِ گُمان ھمش انت کہ شما ئے تَندجاہ ءِ کانون ءَ مَنِّت۔
دَزبَندی انت کہ چیریگیں کانوناں پہ هئیالداری ءَ بوان اِت۔
«دادخواست» کارمرزوکانی تَلّئو اِنت۔ ئدا «زمانه» ءُ آئی ئے واکداراں یا کہ دگہ ھاسیں مردمانی دیدانک درشان نبیت۔
• «دادخواست» ئے کارمرز کنگ ءَ بایدین ھم «بنیاد زمانه» کانوناں بچار ات ھم نِدَرلئیند ءِ مُلکے کانوناں۔
• نبشتانک ءِ کہ ماں «دادخواست» ءَ شِنگ بنت، چیریگین هَگبَند ءِ تہ ءَ انت:
Creative Commons-Attribution Non-Commercial Share Alike License – CC BY-NC-SA
أشی ئے مانا ھمش انت کہ توانت شِنگ بکنت بلہ بَھا کوت نکن اِت۔ اگاں شِنگ کن اِت بایدں نبشتہ کارے نام ءَ پیش بکن اِت۔
- پہ نبشتانکے کہ ئدا شِنگ بیت، زر دئگ نبی۔
- «دادخواست» شمہ دیم داتگین نبشتانک ءَ ھر داب کہ زانت شر تر انت شِنگ کنت۔
- «دادخواست» ئے واکداران ھرچ وھدے کہ بہ لوٹ انت تواننت نبشتانکے ءَ دگے دابے شنگ بکن انت یا کہ چہ بُن، تَندجاہ ءَ چہ بہ کشّنتی۔
- «دادخواست» زِمَّه دار نہ انت کہ ھرچہ دیم بدئے اِت، شِنگ بکنت۔ زمّہ دار نہ انت کہ شمہ داتگین نبشتانک ءَ رِدکاری بکن انت۔ «دادخواست» ئے متلب إش انت کہ، ھرچ دابہ نبشتانک دیم بدئے ھما داب شِنگ بہ بی۔ شِنگ بئگے وڑ، تَندجاہ ءِ مرزی انت۔
- نبشتانکے کہ دیم دئگ بی، بایدیں دیم دئوکے وتی بہ بی یا اسلی واھوندے رزا گون بہ بی ءُ دیم دئگ بہ بی۔ واھند بایدں رزا بہ بی کہ نبشتانک ماں ئے تَندجاہ ءَ شِنگ بئگ انت۔ اگاں رندا جاہ بئیت کہ واھند رزا نبیتگ، زمّہ دار ھما مردم انت کہ نبشتانکی پہ «دادخواست» دیم داتگ۔
- «دادخواست» زَمانَت نکنت کہ ھرچ نبشتانکے کہ شِنگ کنت، آئی ئے آرتگین ھال ءُ ھبرانی سرا سَرپَدی ھست یا کہ شرّیں ءُ جوانین رِد و بَند ءُ گالوارے ھست۔
- ھرکس کہ نبشتانک دیم دنت، وت زمّہ دار انت کہ آئی ئے نبشتانک کسے سرا بےاِزّتی نکنت، ہچ کسے کانونی ھکّ ءَ لگت مال نکنت، ھچ کسے اِهوت ءَ ھِلاپ کاری نکنت۔ إشی یے بُندَر، نِدَرلئیند ءِ مُلکے کانون انت۔
- «دادخواست» چیزے شنگ نکنت کہ آئی ئے تہ ءَ یک مردمے یا چیزے مردم، مُپت ءَ یا که پہ دروگ، زالم یا کہ ایردست پیش دارگ بیتگ انت۔ یا کہ پہ دگرانی وش دل کنگ ءَ، دگہ مردماں سَرهَکّ بکن انت یا کہ پہ زوراکی ءَ آھانی ھکّ ءَ بگر انت۔ ھمہ داب ءَ دگراں سلّیں نام مبندنت۔
- «دادخواست» مردمانی توار انت. شِنگ کنگ پہ سیاسی گَلّ یا کہ دولتانی دست ءَ دئگ نبی۔
نبشتانکانی چیرا کامنتے دئگ آزات انت۔ «دادخواست» توانت ھرچ کامنتے کہ بہ لوٹی چست بکنت یا کہ بداری ایت۔ ھاس اگاں بہ گِندی کامنتے تہ ءَ بےاِزّتی ھست یا کہ «زمانه» ئے کانوناں ھلاپ ءَ انت۔
